Игор Михајловски
Основач, претседател и главен тренер
Визијата за формирање на битолски женски кугларски клуб тргнува од Михајловски во 2018 година преку проектот „Кугламе и сме среќни“.
Клубот е регистиран во 2019 година во Централен регистар на Р. Македонија како Женски кугларски клуб „Пелистер Т&С Холдинг“. Првата постава на клубот се: Емилија Переска, Андреа Вељаноска, Стефанија Алексовска, Ивана Трајчевска, Михаела Петковска, Михаела Ристевска, Ана Марија Вељановска, Даниела Ѓуровска, Тамара Талевска и Тања Стојчевска. Во 2020 година клубот се преименува во Женски кугларски клуб „Пелистер Пин“.
2019/2020
Клубот започна да се натпреварува во МАКЕДОНСКАТА КУГЛАРСКА ЛИГА. Првата официјална победа е остварена на 28.09.2019 година против женската екипа на ГТЦ Мусандра од 5:3 на тогашната стара куглана во Битола
2020/2021 (време на Корона)
Строгите здравствени мерки кои ги воведе државата поради Корона вирусот не дозволуваа спортски настапи. Сепак, клубот не престана да тренира и своите тренинзи ги обавуваше на отворено, на трева. Во овој период беа рушени старите кугларски стази во битолската куглана и во ислечкување на новите, клубот ја одржуваше кугларската форма во завидна форма.
2021/2022/2023/2024
Клубот видно го измена својот состав на кугларки, влегоа повеќе млади кугларки од различни генерации, а оние поискусните (иако млади) веќе започнаа да постигнуваат мерливи резултати на меѓународно ниво. Во овој период товарот на екипата го носеа: Емилија Переска (капитен), Стефанија Алексовска, Андреа Вељаноска, Ивана Трајчевска, Михаела Ристевска, Даниела Ѓуровска, Јана Петровска, Емилија Илијевска,.
Овој е златен период на битолското женско куглање каде што за прв пат битолските куглари добија нормални услови за тренинг согласно светските кугларски стандарди.
